Hringtún 34 á Dalvík – Rúmgott 6 herbergja einbýli á tveimur hæðum með bílskúr og bílskýli – stærð 260 m² Húsið er í byggingu og til afhendingar samkvæmt samkomulagi. 
Lóðin er 859,6 m² að stærð.

Húsið afhendist fullbúið að utan með steyptu bílaplani og stéttum, lóð verður þökulögð. Að innan verður húsið tilbúið til spörslunar og málunar.
Húsið er timbur-einingahús á steyptri plötu og með einhalla þaki, klætt að utan með dökkri viðarklæðningu.

Innra skipulag eignar er skv. teikningum eftirfarandi:
Neðri hæð: forstofa, bílskúr, sjónvarps/leikrými, geymsla/herbergi, tvö baðherbergi og þvottahús.  Opið bílskýli er fyrir framan bílskúr.
Efri hæð: eldhús og stofa í alrými, þrjú svefnherbergi og baðherbergi.  Svalir verða ofan á bílskýli.Komið er að austurhlið frá Hringtúni en vestan við húsið er opið svæði til fjalls.  Lóðin hallar töluvert frá vestri til austurs innan lóðarinnar. Skyggni er yfir stétt sem liggur að aðalinngangi. Við suðurhlið er verönd með aðgengi úr sjónvarps/leikrými, við norðurhlið er stétt og inngangur í bílskúr.
Anddyri er fyrir miðju húsi og þar er stigahús upp á efri hæð. Til hægri er inngangur að bílskúr en til vinstri sjónvarps/leikrými, geymsla/herbergi og baðherbergi. Þegar gengið er uppá efri hæð er komið inn í alrými þar sem eru eldhús, borðstofa og stofa. Út frá alrými eru tvö svefnherbergi og úr stofu er gangur að hjónaherbergi og baðherbergi. Útgengt er að verönd efri hæðar úr gangi og baðherbergi. Verönd snýr til vesturs með útsýni til fjalla. 
Möguleiki væri að útbúa útleigueiningu á neðri hæð.
 
Húsið er timburhús á steyptum grunni og plötu. Bakveggur neðri hæðar liggur að fyllingu baklóðar og er því steinsteyptur. Veggir baðherbergja beggja hæða eru steinsteyptir og tengdir bakvegg neðri hæðar. Allir aðrir útveggir og þak eru léttir timburútveggir (grindarveggir) með steinullareinangrun. Þak er hefðbundið einhalla sperruþak með 220 mm steinullareinangrun milli sperra og krosslektun í loftbili.
Veggir: Útveggir sem og innveggir eru einangraðir milli stoða með 150 mm steinullareinangrun.
Sökklar og sökkulveggir: steinsteyptir og einangraðir með 50 mm frauðplasti.
Gólfplata: 120 mm steinsteypt og einangruð að neðan með 100 mm plasteinangrun.
Gluggar og útihurðir:  eru úr timbri með ál-veðurkápu.
Raflagnir:  allt í dregið og rafmagnstafla frágengin, dregið í fyrir útiljósum.
Upphitun:  Gólfhitalagnir eru steyptar í gólfplötu neðri hæðar en á efri hæð verður ofnakerfi.  Snjóbræðsla verður í bílaplani og steyptum veröndum en ótengd.  Hitaveitugrind og gólfhitakista verða frágengnar og gólfhiti tengdur á neðri hæð og ofnalagnir komnar upp á efri hæð (engir ofnar).   
Frárennslislagnir í grunni og utanhúss eru PVC plastpípur en innanhúss eru notaðar PP plastpípur. Þakniðurföll eru 70 mm plaströr (PP) sem koma utan á útvegg.

Þrívíddar teikningar eru eingöngu til viðmiðunar og  ekki endilega nákvæm endurgerð aðalteikninga.
Kaupandi greiðir skipulagsgjald þegar það verður lagt á. (0,3% af brunabótamati eignar)
Seljandi skoðar að taka ódýrari eign uppí.

Allar frekari upplýsingar veitir
Arnar  773 5100  [email protected]